કોઈ પણ મહિલાની આઈબ્રો જોઈને તેના રહસ્યો જાણી શકાશે.

04 Jul, 2018

હિન્દુ ધર્મમાં આસ્થા ધરાવનારા લોકો માટે સમુદ્રશાસ્ત્ર એક આગવું મહત્વ ધરાવે છે. સમુદ્ર શાસ્ત્રમાં શરીરના જુદા-જુદા અંગોની બનાવટના આધારે વ્યક્તિના સ્વભાવનું વિશ્લેષણ કરવામાં આવે છે. આજે અમે જણાવીશું કે, કેવા પ્રકારના આઈબ્રોવાળી મહિલાઓનો સ્વભાવ કેવો હોય છે.

 
તમે ઘણી એવી મહિલાઓ જોઈ હશે જેમની ભ્રમર પરસ્પર જોડાયેલી હોય. આ મહિલાઓ ખૂબ બુદ્ધિશાળી હોવાનું માનવામાં આવે છે. કહેવામાં આવે છે કે, આ મહિલાઓ હંમેશાં પોતાના હિતને પ્રાધાન્ય આપે છે અને તેમને છેતરવી સરળ કામ નથી.
 

 
કેટલીક મહિલાઓની ભ્રમર ઘાટ્ટી અને કાળી હોય છે. આ મહિલાઓ આર્થિક રીતે મજબૂત હોવાની માન્યતા છે. સમુદ્ર શાસ્ત્ર અનુસાર આવી મહિલાઓ એક સુખી અને સંપન્ન જીવન જીવે છે. આવી મહિલાઓનો જન્મ ધનવાન પરિવારમાં થાય છે.
 
જે મહિલાઓની આઈબ્રો થોડી ઊંચી-નીચી હોય તે આર્થિક રીતે નબળી હોવાની માન્યતા છે. કહેવામાં આવે છે કે, ઊંચી-નીચી ભ્રમર વાળી મહિલાને ગુસ્સો પણ ખૂબ જલ્દી આવી જાય છે. તે પોતાના કામમાં કોઈ દખલગિરી ચલવી લેતી નથી.
 

 
ઘણી મહિલાઓની ભ્રમર ખૂબ ભરાવદાર હોય છે. સમુદ્ર શાસ્ત્રમાં આ મહિલાઓને જટિલ સ્વભાવની જણાવવામાં આવી છે. કહેવાય છે કે, આવી મહિલાઓને સમજી શકવી ખૂબ મુશ્કેલ છે સાથે જ તે ખૂબ કંજૂસ હોય છે. આ મહિલાઓ રૂપિયાની બચત કરવાનો ગુણ ધરાવે છે.