અહીં ઈંડા ફેંકવાથી પૂરી થાય છે મનોકામના

30 Jun, 2018

સાંસ્કૃતિ અને આધ્યાત્મિક રીતે ભારત એક સમૃદ્ધ દેશ છે, જે વિશ્વસ્તરે પોતાની અલગ ઓળખ બનાવી ચૂક્યો છે. આપણા દેશમાં અસંખ્ય દેવી દેવતાઓ અને તેમની સાથે જોડાયેલા ધર્મસ્થાનોની અછત નથી. ખાસ કરીને ભારતનો હિન્દુ સમાજ પોતાની ધાર્મિક અને પરંપરાગત રિતી રિવાજોનું પાલન કરવામાં વધુ સક્રિય છે. ગરીબ હોય કે અમીર, સમાજનો ઉચ્ચ વર્ણ હોય કે નીચલો, તેઓ ધાર્મિક કર્મકાંડ સાથે મજબૂતીથી જોડાયેલા છે. આ ઉપરાંત ભારતમાં દેવી દેવતાઓ સાથે જાતભાતની માન્યતાઓ પણ જોડાયેલી છે, જેનું પાલન સમાજનો દરેક વર્ગ કરે છે. જો તમે આવી માન્યતાઓ પર ધ્યાન આપશો, તો તમને કેટલીક વિચિત્ર મન્યતાઓ પણ દેખાશે. આજે આવા જ એક મંદિર વિશે અમે તમને જણાવીશું, જ્યાં ભક્તોએ મંદિરમાં ઈંડા ફેંકવાની માન્યતા છે, જાણો આવું ક્યાં થાય છે અને શા માટે ?

 

 
આ અદભૂત મંદિર ઉત્તરપ્રદેશના ફિરોઝાબાદમાં આવેલું છે, જ્યાં ભક્તો પોતાની ઈચ્છા પૂરી કરવા માટે દીવાલ પર ઈંડા ફેંકે છે. જાણીને આશ્ચર્ય જરૂર થાય, પરંતુ આ હકીકત છે. ધાર્મિક માન્યતા અનુસાર દર વર્ષે વૈશાખ મહિનામાં એટલે કે એપ્રિલમાં અહીં ભવ્ય મેળો યોજાય છે. આ મેળા દરમિયાન ભક્તો પોતાની સાથે પૂજાની થાળી ઉપરાંત ઈંડા પણ લાવે છે. અને મંદિરની અંદરની દીવાલ તેમજ મંદિરમાં બેઠેલા ભગવાન જેમને બાબા તરીકે ઓળખવામાં આવે છે, તેમના પર ઈંડાનો વરસાદ થાય છે. આ મંદિર બાબા નગર સેનનું હોવાનું કહેવાય છે. અહીં બાધા પૂરી થવા પર ઈંડા ફેંકવાની પરંપરા છે.
 
વૈશાખીના દિવસે શરૂ થતો આ મેળો ત્રણ દિવસ સુધી ચાલે છે. આ ત્રણ દિવસોમાં દૂર દૂરથી હજ્જારો શ્રદ્ધાળુઓ અહીં દર્શન કરવા આવે છે. અહીં આવનાર દરેક શ્રદ્ધાળુ પોતાના મનમાં ઈચ્છા લઈને આવે છે. તમે વિચારી શકો છો કે ત્રણ દિવસમાં આ મંદિરમાં કેટલા ઈંડા ફેંકાતા હશે. સેંકડોની સંખ્યામાં ભક્તોની ભીડ અને તેમના દ્વારા ફેંકાતા ઈંડા ખરેખર એક આઘાત સમાન છે. ભક્તો અહીં બાધા રાખતી વખતે તો ઈંડા ફેંકે જ છે, પરંતુ બાધા પૂરી થાય ત્યારે પણ દર્શન કરીને ફરી ઈંડા ફેંકે છે.
 

Loading...

 
ઈંડા ફેંકવાની માન્યતા સાથે કેટલીક આશ્ચર્યજનક ધારણા પણ જોડાયેલી છે. ભક્તોનું માનવું છે કે ઈંડું ચડાવીને રાખવામાં આવેલી બાધા જરૂર પૂરી થાય છે. શ્રદ્ધાળુઓ માને છે કે જેના બાળકો બીમાર હોય, તે જો મેદિરમાં આવીને ઈંડા ફેંકે તો બાળકો ઝડપથી સાજા થઈ જાય છે. એટલે જ આ મંદિરમાં લોકો દૂર દૂરથી આવે છે. આવી ધારણાઓને કારણે મંદિરની લોકપ્રિયતા પણ જબરજસ્ત વધી રહી છે. ખાસ તહેવારોના સમયે તમે અહીં ભક્તોનું મહેરામણ પણ જોઈ શકો છો. ભક્તો અહીં જાતભાતની મનોકામના લઈને આવે છે.
 

Loading...