લગ્ન પછી માત્ર સેક્સ જ નહીં આ 5 મુદ્દા મહત્વ ના બની રહે છે

25 Jun, 2018

 દિવસેને દિવસે સ્ત્રી-પુરુષની જવાબદારીઓ વચ્ચેની ભેદરેખા ધૂંધળી થતી જઈ રહી છે. એટલે, પારંપરિક રીતે પત્ની જે જવાબદારીઓ નિભાવતી આવી છે તે અત્યારના સમયમાં કેટલીક વખત મૂઝવણ ઊભી કરે છે. જો પતિ-પત્ની બંને જોબ કરતા હોય તો ઘરને લગતા કામ અને ખર્ચાઓ અંગે પોત-પોતાની જવાબદારીઓ સમજવી પડશે. આ મામલે સમતોલન જાળવવું જરૂરી છે, નહીં તો લગ્નજીવનમાં સમસ્યા ઊભી થશે.

 
ભારતમાં ઘણા બધા ધર્મો પાળવામાં આવે છે. લગ્ન પહેલા આપણે સામાન્ય રીતે ધાર્મિક સુસંગતતાને ધ્યાનમાં લેતા હોઈએ છીએ. પણ, લગ્ન પછી ધાર્મિક આસ્થા અંગેનો તફાવત ધ્યાનમાં આવતો હોય છે. સુખી લગ્નજીવન માટે પતિ-પત્નીએ એકબીજાની ધાર્મિક આસ્થાને સ્વીકારવી જોઈએ અને પોતાની આસ્થાને બીજા પર થોપવી જોઈએ નહીં.
 
મોટાભાગના લોકો એવું માનતા હોય છે કે, લગ્ન પછી પતિ-પત્ની વચ્ચે કોઈ મર્યાદાઓ નથી રહેતી. જે તેનું છે મારું છે અને જે મારું છે એ તેનું છે- એવી જ ગ્રંથી મોટાભાગનાના મનમાં હોય છે. પણ, એટલું જાણી લો કે લગ્નજીવન પછી પણ કેટલીક મર્યાદાઓ હોય છે અને તેનું ઉલ્લંઘન ન કરવામાં જ શાણપણ છે. જેમકે, જો તમારો પતિ કે તમારી પત્ની ફોનને લોક રાખવાનું નક્કી કરે અને પાસવર્ડ શેર ન કરે તો તમારે અસલામતી ન અનુભવવી જોઈએ. દરેક વ્યક્તિને સ્પેસ જોઈતી હોય છે અને તેના સિવાય કોઈ સંબંધો ટકી શકે નહીં.કલ્પના કરો કે તમે શાકાહારી છો અને તમારી પત્ની માંસાહારી કે પછી તેનાથી ઉલટું હોય તો. ભારતના દરેક રાજ્યમાં તેનું અલગ ફૂડ કલ્ચર છે. લગ્ન પહેલા આ બાબત ભાગ્યે જ અડચણરૂપ બનતી હોય છે. લગ્ન પહેલા જ્યારે તમે પ્રસંગોપાત મળતા હોવ ત્યારે જ આ બાબત નડતી હોય છે. પણ, લગ્ન પછી એક જ ટેબલ પર બેસીને જમવાનું આવે ત્યારે ખરી સમસ્યા ઊભી થાય છે. પણ, આવી બાબતોથી ઘરમાં અશાંતિ ન સર્જાય તે માટે એકબીજાને થોડો સમય આપો અને સાથે મળીને કોઈ સમાધાન શોધી કાઢો.
 
માનો કે ના માનો મોટાભાગના ભારતીય કપલ્સને ‘ગૂડ ન્યૂઝ’ જેવા મૂઝવણભર્યા પ્રશ્નનો સામનો કરવો પડે છે. આ પ્રશ્ન એવો છે કે જાણે પરણિત કપલ્સના જીવનમાં સેક્સનો એકમાત્ર ઉદ્દેશ્ય બાળકને જન્મ આપવાનો જ હોય. જોકે, તેમણે એ સમજવું પડશે કે બાળક લાવવું કે ક્યારે લાવવું તેનો નિર્ણય તેમણે પોતે જ કરવાનો છે, બીજા કોઈની વાત માનીને નહીં. વળી, કપલ્સ બાળક વિના જીવન પસાર કરવાનો નિર્ણય પણ લઈ શકે છે, પણ પછી તેનાથી ભવિષ્યમાં ઊભા થનારા દબાણોનો સામનો કરવાનું પણ શીખવું પડશે.ભારતીય સમાજમાં સાસુ-સસરાનો રોલ પતિ-પત્નીના જીવનમાં ઘણો મહત્વનો હોય છે. તે પછી પત્નીના સાસુ-સસરા હોય કે પતિના. સાસુ-સસરા સાથેના સંબંધો ઘણા બધા અંશે પત્નીની સમજણ અને સંસ્કાર પર આધાર રાખે છે. પત્નીએ અંગત જીવનને નુકસાન પહોંચાડ્યા વિના આ સંબંધોને જાળવવાનું હૂનર શીખવું રહ્યું.
 
કહેવાય છે કે લગ્નએ બે આત્માઓનું મિલન છે. જ્યારે એક પુરુષ અને સ્ત્રી લગ્ન પછી નવું જીવન શરૂ કરતા હોય છે ત્યારે ઘણું બધું બદલાઈ જતું હોય છે. ત્યારે લગ્ન પછી એકબીજાને માનસિક અને શારીરિક રીતે સમજવા માટે સમય આપવો જરૂરી છે. આ દરમિયાન મોટાભાગના લોકો એવી બાબતો ભૂલી જતા હોય છે કે જે ભારતીય પરણિત કપલમાં સેક્સ કરતા વધુ જરૂરી હોય છે. ચાલો જાણીએ કઈ છે આ બાબતો…
 

Loading...

Loading...