માઉન્ટ આબુ ગુજરાતીઓની ફેવરિટ પ્લેસ છે છતાં આટલી જગ્યા નહીં જોય હોઈ

14 Jul, 2018

 જો વીકેન્ડ પર ફરવા જવાની વાત આવે તો ગુજરાતીઓના મગજમાં સૌથી પહેલા રાજસ્થાનના હિલ સ્ટેશન માઉન્ટ આબુ જવાનો વિચાર આવે. ઘણાં લોકો તો અવારનવાર માઉન્ટ આબુ જતા હોય છે અને ઉનાળામાં તો ખાસ. જો તમે માઉન્ટ આબુ જવાનો પ્લાન બનાવો તો આ મંદિરોની ખાસ મુલાકાત લેજો, જેથી ટ્રાવેલની સાથે સાથે તીર્થ યાત્રા પણ થઈ જાય.

માઉન્ટ આબુથી લગભગ અઢી કિલોમીટર દૂર સ્થિત છે દેલવાડાના દેરા. આ મંદિર માઉન્ટ આબુના મુખ્ય આકર્ષણોમાંથી એક છે. અહીંનું નક્શીકામ અદ્દભુત છે. દેશના મુખ્ય જૈન મંદિરોમાં આ મંદિરની ગણતરી થાય છે. આ સિવાય વિમલ વસાહી મંદિર, લૂના વસાહી, પાર્શ્વનાથ મંદિર અને મહાવીર સ્વામી મંદિર શામેલ છે.

ગુરુ શિખર પર્વત અરવલ્લીની પર્વતમાળાની સૌથી ઉંચી ખીણ છે. અહીં ભગવાન શિવનું એક મંદિર છે. ચારે બાજુ હરિયાળી અને પહાડીથી ઘેરાયેલા આ મંદિરમાં દર્શન કરીને તમે માનસિક શાંતિ પ્રાપ્ત કરી શકો છે.

માઉન્ટ આબુનું ઐતિહાસિક સ્થળ છે અચલગઢ. અહીંના સદીઓ જૂના કિલ્લામાં ભગવાન ભોળા ભંડારીનું એક સુંદર મંદિર છે. ધાર્મિક આસ્થા છે કે આ મંદિરમાં ભગવાન શિવના પગના અંગુઠાના નિશાન છે. ભક્ત દૂર દૂરથી અહીં પૂજા-અર્ચના કરવા આવે છે.

Loading...

રાજપૂત શાસનકાળમાં બાંધવામાં આવેલા આ મંદિરને રાજસ્થાનનું સૌથી જૂનું સંગેમરમરનું સ્મારક માનવામાં આવે છે. નવમી સદીમાં બનેલા આ મંદિરને 13મી સદીમાં મુગલ બાદશાહ મહમૂદ બેગડાએ ધ્વસ્ત કરી નાખ્યુ હતુ. ત્યારપછી 15મી સદીમાં આ મંદિરનું પુનરોદ્ધાર કરવામાં આવ્યુ હતું.

 

Loading...