વાળને કાળા રાખવા માટે અપનાવો આ ઘરગથ્થુ ઉપચાર

13 Dec, 2014

કસમયે વાળનું સફેદ થવું એક બીમારી છે.એકવાર જો વાળ સફેદ થવાનાં શરૂ થઇ જાય તો દિવસે ને દિવસે તે વધુ સફેદ થવા લાગે છે. વાળની સુરક્ષામાં જો આપણે થોડા સચેત રહીએ તો તેમાં પ્રાકૃતિક સુંદરતા અને મજબુતાઇ લાવી શકીએ છીએ.ભાગદોડવાળી જિંદગી,વાળની સારી દેખરેખ ના થવાને કારણે અને પ્રદુષણનાં કારણે વાળ અકારણ જ સફેદ થવાં લાગે છે.વાળને ડાઇ કરવી કે કલર કરવો એ એકમાત્ર સમસ્યા નથી. અમુક ઘરગથ્થુ ઉપચાર કરીને સફેદ વાળને કાળા કરી શકાય છે.

- બેસન મેળવેલુ દુધ કે દહીંના મિશ્રણથી વાળને ધોવો.ફાયદો થશે.

- દસ મિનિટ સુધી કાચા પપૈયાની પેસ્ટ માથામાં લગાડો.વાળ ખરશે નહી અને ખોડો પણ નહી થાય.

- આમળાના પાવડરમાં લીંબુ મેળવીને નિયમિત રૂપથી લગાડો સફેદ વાળ કાળા થઇ જાય છે.

- દરરોજ માથામાં ડુંગળીની પેસ્ટ લગાડો. સફેદ વાળ કાળા થઇ જશે.

- તલ ખાઓ.તેનું તેલ પણ વાળને કાળા કરવામાં ઘણું અસરકારક છે.

- અડધા કપ દહીંમા ચપટી કાળી મરી અને ચમચી ભરીને લીંબુ રસ મેળવીને વાળમાં લગાડો.7 મિનિટ પછી ધોઇ લો.વાળ કાળા થવા લાગશે.

- રોજ ઘીથી માથાની માલિશ કરીને પણ વાળ સફેદ થવાની સમસ્યામાંથી છુટકારો મળી શકે છે.

ઘરે બનાવો નોર્મલ શેમ્પુ :

એક એક ચમચી આમળા, શિકાકાઇ, અરીઠા ત્રણેયને મીક્સ કરીને એક લીટર પાણીમાં પલાળીને મુકી દો. બીજા દિવસે આ પાણીથી વાળને ધુઓ. આ સારી રીતે વાળને સાફ કરશે. આનાથી વાળ કાળા, લાંબા અને ચમકીલા બને છે.

હેર ડાઇ :

આમળા 25 ગ્રામ, બ્રાહ્મી 25 ગ્રામ બંનેને 24 કલાક સુધી પાણીમાં પલાળીને રાખો. એક કિલો તલના તેલમાં આ પાણીને હાથેથી મસળો. હવે તેને ગરમ કરીને ઉકાળો બધું જ પાણી બળી જાય ત્યાર બાદ તેનો શીશીમાં ભરીને ઉપયોગ કરો.

આ સિવાય પણ તમે રોજ રાત્રે એક-એક ચમચી આમળ, હરડે અને બહેડાને 750 મિલિ પાણીમાં પલાળી રાખો. સવારે આનાથી તમારા વાળને સારી રીતે ધોઈ લો. આ પણ સારા પ્રકારની હેર ડાઈ છે.