Gujarat

આ નાનકડી ભૂલોના કારણે સ્માર્ટફોનમાં ઈન્ટરનેટ ડેટા વધુ વપરાય છે

સ્માર્ટફોનના યુગમાં ઈન્ટરનેટ એ જરૂરી બની ગયું છે. આવા સમયે એવું પણ બનતું હોય છે કે આપણી નાનકડી ભૂલોના કારણે ઈન્ટરનેટના ડેટાનો ઉપયોગ વધી જાય છે અને આપણી તેની વધુ કિંમત ચૂકવવી પડે છે. અજાણતા થઈ જતી આવી ભૂલો પર આપણે નજર ફેરવીએ. આ ભૂલો પર  ધ્યાન આપીએ તો ઈન્ટરનેટ ડેટાના વપરાશ પર કાપ રાખી શકીએ અને ખર્ચ ઉપર પણ કાબુ મેળવી શકીએ.

એપ્સ ઓટો અપડેટ

સ્માર્ટફોનમાં યૂઝર્સ પોતાની જરૃરિયાત મુજબ અનેક એપ્લિકેશન ઇન્સ્ટોલ કરે છે, આમાંથી કેટલીક એપ્સ અપડેટ થતી રહે છે, આ અપડેશન ઓટોમેટિક પણ હોય છે, એટલે કે તમને ખ્યાલ ન હોય ને તમારી એપ્લિકેશન અપટેડ થઇ જાય છે, આ એવી એપ્સ હોય છે જે તમે ઇન્ટોલ કર્યા બાદ ઉપયોગ પણ નહીં કરતા હો. આ સ્થિતિમાં એ થઇ શકે કે ગૂગલ પ્લે સ્ટોરમાં જઇને ઓટો અપડેટને બંધ કરી દો અને બિનજરૃરી એપ ડિલીટ કરો.

ડેટાની જાણકારી નહીં

એક અન્ય મોટી ભૂલ લોકો એ કરે છે કે, તેઓ જ્યારે ઇન્ટરનેટનો ઉપયોગ કરે છે ત્યારે એ માહિતી નથી હોતી કે તેના ટેડા કેટલા એમબી બચ્યા છે. આવી પરિસ્થિતિમાં યૂઝર્સ ટેડાની લિમિટ સેટ કરી શકાય, જેમ કે, જો તમે દિવસ દરમિયાન માત્ર ૫૦ એમબીનો જ ઉપયોગ કરવા માટે ડેટા સેટ કરશો તો એટલા જ વપરાશે, જેથી તમારી સરેરાશ ઇન્ટરનેટ ડેટા વાપરવાની મર્યાદા જળવાઇ રહેશે અને ટેડા પૂરા થાય તેની જાણ થશે જેથી તમારું બેલેન્સ કપાશે નહીં.

 બિનજરૂરી નોટિફિકેશન

સ્માર્ટફોન પર યૂઝર્સ હંમેશાં એપ્સને ઓપન કરીને છોડી દે છે, સામાન્ય રીતે એપ્લિકેશનને મિનિમાઇઝ કરી દેવામાં આવે છે તે સમયે પણ તે ચાલુ તો રહે જ છે, જેમ કે, આ એપ્લિકેશનમાં કોઇને કોઇ નોટિફિકેશન આવતાં રહે છે, આ સમયે ઇન્ટરનેટના ટેડા કપાતા રહે છે, તો વળી કેટલાક એપ્લિકેશન એવા હોય છે કે જે બેકગ્રાઉન્ડમાં જ શરૃ રહે છે અને તેમને ખ્યાલ પણ નથી હોતો એ રીતે ડેટા કપાય છે.

ઇન્ટરનેટ ૨-જી કે ૩-જી

મોટાભાગે લોકો ઇન્ટરનેટનો ઉપયોગ કરવામાં બે વિકલ્પોને પસંદ કરે છે, જેમ કે ૨-જી અને ૩-જી,  હવે જ્યારે તમારો મોબાઇલ આ બંનેને સપોર્ટ કરે તેવો હોય તો પહેલાં એ નક્કી કરો કે તમારા મોબાઇલમાં ૩-જી એપ કેટલી છે, એટલે એ પ્રમાણે જ ૩-જીનો ઉપયોગ કરો. ૩-જીનો ઉપયોગ સામાન્ય રીતે વીડિયો માટે વધુ કરવો જોઇએ બાકી એપ્સ ૨-જી પર સારી ચાલે છે તેમ નિષ્ણાતોનો મત છે.

Releated News