National

ભારતનો આ પહેલો થ્રીડી હ્યુમનોઇડ રોબોટ વાસણ માંજશે અને ચા પણ બનાવશે!

રોબોટ માનવીનાં તમામ કામ કરી આપશે તે દિવસો હવે દૂર નથી. ભારતે વધુ એક સિદ્ધિ હાંસલ કરતાં દેશનો પહેલો થ્રીડી હ્યુમનોઇડ રોબોટ બનાવ્યો છે. ૬૦ સે.મી. લાંબા અને ૨ કિ.ગ્રા. વજન ધરાવતા આ રોબોટને થ્રીડી પ્રિન્ટરની મદદથી બનાવવામાં આવ્યો છે. આ રોબોટનું સર્જન દિલ્હીમાં રહેનારા રોબોટિક એન્જિનિયર દિવાકર વૈશે કર્યું છે. દિવાકર રોબોટિક્સનાં ક્ષેત્રમાંં ૧૦ વર્ષથી રિસર્ચ કરી રહ્યા છે, આ રોબોટ માણસનાં તમામ કામ કરી શકવા સક્ષમ છે, જોકે હાલમાં દિવાકરનો આ હ્યુમનોઇડ રોબોટજજ ફક્ત ડાન્સ કરી શકે છે. તેમાં દિવાકરે ગીતો પર ડાન્સ કરવાનો પ્રોગ્રામ ફિડ કર્યો છે.દિવાકરનું કહેવું છે કે, 'જો તમે એક રોબોટને નચાવી શકો તો તમે તેની પાસેથી બીજું કામ લેવડાવી શકો છો, જેમ કે, ચાલવું, પડીને ઊભા થવું, અવાજ ક્યાંથી આવે છે તે સમજી શકવું વગેરે... આ રોબોટમાં અમે આર્િટફિશિયલ ઇન્ટેલિજન્સ એટલે કે, કુત્રિમ બુદ્ધિનું પ્રત્યારોપણ કર્યું છે, જે ખૂબ મોટી વાત છે. આ બધી વિશેષતાઓને કારણે એક દિવસ આ રોબોટ આપણાં ઘરોમાં આપણી આસપાસ ફરતો જોવા મળશે.'

રોબોટિક્સ ક્ષેત્રે ભારતનું સ્થાન

ભારત પણ તેમાંનો એક છે. વૈજ્ઞાાનિકોના મતે ભારત રોબોટ બનાવનારા ટોચના ૧૦ દેશોમાં સ્થાન ધરાવે છે, જોકે ભારત અમેરિકા, જાપાન અને દક્ષિણ કોરિયાથી ઘણોે પાછળ છે. ભારત પર આ તમામ વિકસિત દેશોની નજર છે, કારણ કે ભારત જ એક એવો દેશ છે જે સસ્તા દરે સારામાં સારું રોબોટિક સોલ્યૂશન આપી શકે તેમ છે. આવનારા સમયમાં ભારતમાં રોબોટિક્સ ઉદ્યોગ એક બિલિયન ડોલર સુધી પહોંચી જશે.

ચીન : પ્રથમ થ્રીડી પ્રિન્ટેડ કાર લોન્ચ

થ્રીડી પ્રિન્ટિંગનો આધાર લઈ ચીને તેના દેશની સૌપ્રથમ થ્રીડી પ્રિન્ટેડ કાર લોન્ચ કરી છે. ચીનની ટેક્નોલોજી કંપની સાન્યા સિ હાઇએ ગોલ્ડન રંગની સિડાન 'શૂયા'ને લોન્ચ કરી હતી. ઇલેક્ટ્રિક પાવરથી ચાલતી આ ટુ સીટર કાર ૪૦ કિ.મી. પ્રતિકલાકની ઝડપે દોડી શકે છે. પાંચ દિવસમાં ૧,૭૦૦ યુએસ ડોલરના ખર્ચે આ કારનું નિર્માણ કરવામાં આવ્યું છે. તેમની પાસે આ કામ માટે ૧૩,૦૦૦ કિ.ગ્રા. વજનનું થ્રીડી પ્રિન્ટર છે, જે ૪ મીટર લંબાઈ અને ૨ મીટર પહોળાઈના કોઈ પણ પ્રોજેક્ટનું પ્રિન્ટિંગ કરી શકે છે.

થ્રીડી પ્રિન્ટિંગ શું છે?

થ્રીડી પ્રિન્ટિંગની મદદથી ડિજિટલ ફાઇલમાં રહેલા ડેટાને ત્રિપરિમાણીય વસ્તુનું નિર્માણ કરી શકાય છે. થ્રીડી પ્રિન્ટર દ્વારા એડિટિવ પ્રોસસની મદદથી આ શક્ય બને છે. એડિટિવ પ્રોસેસમાં જ્યાં સુધી કોઈ ચોક્કસ વસ્તુ તૈયાર ન થઈ જાય ત્યાં સુધી મટીરિયલનાં વિવિધ લેયર પર પ્રોસેસ ચાલુ રહે છે. આ મટીરિયલ પર તમે આ પાતળાં લેયર સમાતંર રીતે કપાતાં જોઈ શકો છો.

Source By : Sandesh

Releated News