Sex & Relationship

રોજ સેક્સ કરવાના છે ઘણા ફાયદા

 સેક્સને લગતા અનેક રિસર્ચ અત્યારસુધીમાં થઈ ચૂક્યા છે. આપને જાણીને નવાઈ લાગશે કે, સેક્સ આપને તંદુરસ્ત રાખી શકે છે. એટલું જ નહીં, તેનાથી તમે કેટલાક રોગોથી દુર રહી શકો છો અને તેનાથી તમારું મગજ પણ ફ્રેશ રહે છે. કેટલાક લોકોનું તો એવું પણ કહેવું છે કે, સેક્સ એક એવી દવા છે કે જેને દરેક પુરુષે રોજ લેવી જોઈએ. ચાલો જાણીએ, સેક્સના એવા દસ ફાયદા જે રોજના સહવાસથી પ્રાપ્ત થાય છે.

સેક્સ એક સારા પ્રકારની કસરત છે
 
રોમાન્સ કરવામાં ફિઝિકલ એક્ટિવિટી કરવી પડે છે. ઈન્ટરકોર્સ દરમિયાન તમારા શરીરમાં થતાં માનસિક પરિવર્તનો તમે વર્કઆઉટ કરો તેવા જ પરિવર્તન લાવે છે. તેનાથી તમે તમારા ધબકારામાં વધારો થવા જેવા પરવર્તન પણ મહેસૂસ કરી શકો છો. તેનો અર્થ એ થાય છે કે, તમને તેનાથી થાકનો અનુભવ થાય છે. અને તેનાથી અફકોર્સ તમે કેલરીઝ પણ બર્ન કરો છો. જો તમે સપ્તાહમાં ત્રણ દિવસ સરેરાશ 15 મિનિટ સેક્સ કરો તો તમે એક વર્ષમાં 7,500 કેલરી બર્ન કરી શકો છો. આટલી કેલરી બર્ન કરવા સામાન્ય રીતે 75 માઈલ ચાલવું પડે છે. વળી, સેક્સ વખતે તમે ઊંડા શ્વાસ પણ લો છો જેનાથી તમારા કોષોને ઓક્સિજન મળે છે. સેક્સ દરમિયાન થતાં ટેસ્ટેસ્ટેરોનના સર્જનથી તમારા હાડકાં અને સ્નાયુ પણ મજબૂત બને છે.
પેઈન રિલિફ
 
'હની, આજે નહીં.. મારું માથું દુ:ખે છે..' વેલ, સેક્સ અવોઈડ કરવા આ તમારો એક્સ્ક્યુઝ હોઈ જ ન શકે. ઈન્ટરકોર્સ દરમિયાન સ્ત્રી અને પુરુષ બંનેના શરીરમાં એન્ડ્રોફિન્સનો સ્રાવ થાય છે. આ હોર્મોન પેઈનકિલરનું કામ કરે છે. ગીના ઓગ્ડેન દ્વારા કરવામાં આવેલા સર્વે અનુસાર, ઈન્ટરકોર્સ અને ખાસ તો ઓર્ગેઝમ વખતે ગમે તેવું દર્દ વ્યક્તિ ભૂલી જાય છે. જો તમારી પાર્ટનર તેના માટે ના પાડે તો તેને સમજાવો કે, સેક્સ તમારી સમગ્ર રિપ્રોડક્ટિવ સિસ્ટમ માટે સારું છે અને તેનાથી મસ્લસની એક્સસાઈઝ થતી હોવાથી તમારા રિપ્રોડક્ટિવ ઓર્ગન શેપમાં રહે છે. સેક્સથી મહિલાઓની ફળદ્રુપતા વધે છે અને મોનોપોઝ મોડું આવે છે.
રોસ્ટેટ પ્રોટેક્શન
 
સેક્સ દરમિયાન પુરુષોના શરીરમાંથી જે ફ્લુઈડ બહાર આવે છે તે તેમના પ્રોસ્ટેટમાં સંગ્રહાયેલું હોય છે. જો તે બહાર ન આવે તો તેનાથી સોજાથી લઈને બીજા પણ પ્રોબ્લેમ થઈ શકે છે. તેનો રેગ્યુલર સ્રાવ થતો રહે તો મોટી ઉંમર સુધી પણ પ્રોસ્ટેટની કોઈ સમસ્યા નથી થતી.
ઉત્તેજનામાં કમીને દુર કરે છે
 
મોટી ઉંમરના 40 ટકાથી વધુ પુરુષોને ઉત્તેજનામાં કમીની સમસ્યા હોય છે. કેટલાક કેસોમાં તો યુવાનોમાં પણ આ સમસ્યા જોવા મળે છે. તેનાથી બચવાનો સૌથી સારો ઉપાય છે સેક્સ. લિંગમાં આવેલી ઉત્તેજના તેમાં રક્તનો સંચાર કરે છે અને તેના ટિશ્યૂને હેલ્ધી રાખે છે. તે જેટલું વધારે થાય તેટલી જ ઉત્તેજના વધુ ટકી રહે છે.
સ્ટ્રેસ રિલિફ
 
એ સાયન્ટિફિક ફેક્ટ છે કે, સેક્સ એક અસરકારક સ્ટ્રેસ રિલિફ છે. સેક્સ દરમિયાન શરીરમાં ડોપામીનનું સર્જન થાય છે, જે સ્ટ્રેસ સામે લડવા ખુબ જ ઉપયોગી છે. તેને એન્ડોર્ફિન્સ તરીકે ઓળખાતા 'હેપિનેસ હોર્મોન'નો પર્યાય પણ માનવામાં આવે છે.
 
Source By : Navgujaratsamay